最佳女主持丨麥美恩對陳志雲感抱歉　Mayanne親揭與緋聞男友許文軒關係

娛樂

撰文： TOPick柴犬出動

發布時間： 2024/04/28 12:22

熱門東張西望超市大搜查九龍城寨之圍城名校專區逆天奇案2 癌症殺手家族榮耀之繼承者高才通到校服務會員有獎

▲ 麥美恩接受《星光背後》主持人梁泰來（右）訪問。

麥美恩為入行首個個人掛帥清談節目《Mayanne小喇叭》接受雷霆881商業一台《星光背後》主持人梁泰來訪問。加拿大出生，2011年返港參選港姐入行的麥美恩，首次披露當年選美後一度婉拒陳志雲遊說簽約的原因。

之後，麥美恩成為TVB收費台娛樂新聞主播，及至13年憑夥拍森美主持《學是學非》上位，2017年奪萬千星輝頒獎典禮飛躍進步女藝員獎後，今年初以大熱姿態獲頒最佳女主持，被喻為女金牌司儀。同時在節目中，還大談唯一緋聞對象許文軒的真正關係。

Mayanne小喇叭丨麥美恩自爆從小迷林峯吳卓羲　揭周家怡湯盈盈少女時代秘密

▲ 麥美恩首次個人孭重飛的TVB節目《Mayanne小喇叭》。

向陳志雲說不好意思

回憶當年不理父母反對隻身回港發展，Mayanne否認當年選美是為了入行，「選港姐純粹因為好奇心，我嗰陣諗住一選完就返加拿大，因為我二哥要結婚！」

原來當年她奪得港姐第四名後，TVB即時計劃開一横線節目讓她主持，當時的總經理陳志雲（Stephen）力邀她留港簽約，但她為親情無奈放棄這難得機會，稱：「這是我第一次講，當年我係好掙扎拒絕咗陳志雲先生，好唔好意思，佢好有慧眼，響佢十樓office，佢不停咁說服我，但我不停咁拒絕佢。」Mayanne坦言，希望透過這次專訪，向陳志雲說聲不好意思。

▲ 麥美恩在今年初於萬千星輝獲頒最佳女主持。

讚森美是個好「上把」

當年返加國參加完胞兄婚禮後，Mayanne本來已打定輸數留加拿大發展，怎料不久再獲TVB邀回港試鏡，成功後更獲安排一份有月薪人工的娛樂新聞主播工作，Mayanne坦言選美時已表明想做主持，從沒想過當演員：「我自知之明好強，知自己唔靚，我真係一舊飯、一舊蕃薯咁樣入TVB，但我性格優勝在nothing to lose！」

至於後來主動申請轉至翡翠台加入《學是學非》，終憑「下把位」彈起的感受：「選完港姐之後已經冇港姐包袱，喺香港，唔係好多女仔可以做到下把，但對於我嚟講又好容易，我睇好多外國節目女仔做「下把位」做得好好，我唔覺得係畀人恥笑，人哋笑我係因為開心！」

Mayanne指，森美是一個好好的「上把位」：「佢feel到我有嘢同玩得，feel到我識反口咬佢，但我玩得之餘係尊重嘅，私底下係humble。」

與許文軒沒可能發展

因為形象開心搞笑，麥美恩被網友推舉「Girlfriendable」（適合女朋友），但入行至今11年，她只跟主持拍檔許文軒傳過緋聞：「我哋兩個太friend啦，我尋晚都有同佢呻咗成個鐘，同埋佢又雙子座、我又雙魚座，大家啲性格好浮動，同埋大家好無分彼此！雖然佢係我前輩，但我哋可以好似八婆咁傾計。」

她澄清根本沒發展機會：「我哋係冇分男同女，總之我哋係乜嘢都傾，佢又會明白我，因為大家都係主持，接觸嘅範圍同遇到嘅困難好似，有啲咩我都會徵求佢意見。」

在節目上，Mayanne解釋沒與其他男藝員傳過緋聞原因：「佢哋成日當我係男仔咁玩，我冇發電嘅能力，完咗節目我真係收工，冇額外空間！」

▲ 麥美恩入行後只與許文軒傳過緋聞。